स्थानीय सरोकार/बागलुङ । मेयर कप फुटबल प्रतियोगिता वर्षैपिच्छे स्थानीय स्तरमा प्रतिभा पहिचान, समुदायिक एकता तथा खेलकुद प्रवर्द्धनका लागि महत्वपूर्ण अवसरको रूपमा स्थापित हुँदै आएको छ। यतिबेला कटारी र बेनीको सेमीफाइनल यात्रा प्रतियोगितालाई झन् रोमाञ्चक बनाइदिएको छ। दुबै टिमको प्रदर्शनले न केवल स्थानीय दर्शकको समर्थन जितेको छ, उनीहरूले खेलकुदमा लगानी र सुदृढ संरचनाको आवश्यकता पनि बलियो रूपमा उजागर गरेका छन्।
फुटबल टिमले समूह चरणबाटै आक्रामक खेलशैली प्रस्तुत गर्दै लगातार उत्कृष्ट खेल प्रदर्शन गर्दै आएको छ। तिनको पासिङ क्षमतादेखि मैदानमा समन्वयसम्म, सबैतिर सुधार भएको देखिन्छ। बेनीको यात्रा पनि त्यत्तिकै प्रेरणादायी छ। सुरुआतमा सामान्य प्रदर्शन देखिए पनि नॉकआउट चरणमा उनीहरूले रणनीतिक अनुशासन, गोलकिपिङको मजबुती र निर्णायक क्षणमा खेल पल्टाउने क्षमताबाट चर्चामा आएका छन्।
दुबै टिमको सेमीफाइनल प्रवेशले प्रतियोगिताको स्तर उच्च भएको प्रमाणित गर्छ। यसले स्थानीय खेल प्रशासनलाई कटारी पनि — खेल पूर्वाधार, प्रशिक्षकको क्षमता विकास र नियमित प्रशिक्षण व्यवस्थापन जस्ता क्षेत्रमा अर्को पटक ध्यान दिनुपर्ने सन्देश दिन्छ। यस वर्षको मेयर कपले फेरि एकपटक देखाएको छ कि स्थानीय तहले खेलकुदलाई प्राथमिकतामा राखेमा प्रतिभा बाहिर ल्याउन समय लाग्दैन।
अबको सेमीफाइनलमा कटारी र बेनीको तयारी कडा हुनेछ। रणनीति, अनुशासन र मानसिक दृढता—सबै कुरा निर्णायक भूमिका खेल्नेछन्। चाहे जुनसुकै टिमले फाइनल प्रवेश गरोस्, प्रतियोगिताले स्थानीय फुटबलमा उत्साह र ऊर्जाको नयाँ मानक कायम गरिसकेको छ।
मेयर कप यसरी रोमाञ्चक मोडमा पुगेको बेला — खेलकुदले समुदायलाई जोड्ने शक्ति कति महत्वपूर्ण हुन्छ भन्ने कुरा अझै प्रस्ट रूपमा देखिएको छ। भविष्यमा स्थानीय सरकार, निजी क्षेत्र र समुदायबीचको सहकार्यले यस्तो प्रतियोगिता अझ व्यवस्थित, प्रभावकारी र परिणाममुखी बनाउन मद्दत गर्नेछ।
बागलुङमा जारी मेयर कप फुटबल प्रतियोगितामा उदयपुरको कटारी र म्याग्दीको बेनी नगरपालिका सेमीफाइनलमा प्रवेश गरेका छन् । प्रतियोगिताको तेस्रो दिन मंगलबार सम्पन्न क्वाटरफाइल खेल जित्दै कटारी नगरपालिका र बेनी नगरपालिकाले सेमीफाइनलको यात्रा तय गरेका हुन् ।
कटारीले प्रहरी र बेनीले आयोजक बागलुङ नगरपालिकालाई पराजित गरेको हो । मंगलबार सम्पन्न पहिलो खेलमा विभागीय टोली गण्डकी प्रदेश प्रहरी पोखरालाई ट्राइबेकरमा स्तब्ध बनाउँदै कटारीले सेमीफाइनल भीडन्त पक्का गरेको हो । ट्राइबेकरमा प्रहरीलाई कटारी नगरपालिकाले २–४ गोल अन्तरले पराजित गरेको छ ।
कटारीको जितमा गोलरक्षक सागर मगर नायक बन्नुभएको छ । मगरले प्रहरीका खेलाडि सन्दीप तामाङ र अंकित गुरुङको पेनाल्टीलाई उत्कृष्ट बचाउ गर्नुभएको थियो । मगर म्यान अफ दि म्याच घोषित हुँदै दुई हजार रुपियाँ प्राप्त गर्नुभएको छ ।
कटारीको जितमा दिकेश लामा, गणेश भुजेल, पवन पाख्रिन र हेमन्त भुजेलले गोल गर्नुभयो भने प्रहरीका लागि समिट श्रेष्ठ र सरोज तिताङले गोल गर्नुभएको थियो । कटारीले बुधबार बिहान हुने पहिलो खेलमा आयोजक बागलुङ नगरपालिका ‘निलो’सँग फाइनल यात्राका लागि प्रतिष्पर्धा गर्नेछ । बलियो टोली प्रहरीलाई पन्छाएको कटारीले दोस्रो रोजाइका खेलाडि सम्मिलित बागलुङ नगरपालिका ‘निलो’लाई सहजै पन्छाउने अनुमान गरिएको छ ।
यस्तै, मंगलबारै भएको दोस्रो क्वाटरफाइनल खेलमा आयोजक बागलुङ नगरपालिका ‘सेतो’लाई १–२ गोलले पराजित गर्दे बेनी नगरपालिका म्याग्दीले सेमीफाइनल यात्रा पक्का गरेको हो । बेनीको जितमा विनम थजाली दुई गोलको योगदान गर्नुभयो । विनमले खेलको पहिलो हाफको ५ औं र दोस्रो हाफको ७० औं मिनेटमा उत्कृष्ट गोल गर्नुभएको थियो ।
बागलुङ नगरपालिकाका लागि आशबहादुर गुरुङले ७५ औं मिनेटमा सान्त्वना गोल फर्काए पनि जितका लागि पर्याप्त हुन सकेन । बेनीको जितमा नायक बन्नुभएका विनम थजाली म्याद अफ दि म्याच घोषित हुँदै दुई हजार रुपियाँ पुरस्कार प्राप्त गर्नुभएको छ । बेनीले बुधबार हुने दोस्रो सेमीफाइनल खेलमा पैयुँ गाउँपालिको सामना गर्नेछ ।
प्रतियोगिताको विजेता टोलीले ३ लाख ३३ हजार ३ सय ३३ रुपियाँ नगदसहित ट्रफी र मेडल प्राप्त गर्नेछ । उपविजेतालाई २ लाख २ हजार २ सय २२ रुपियाँ पुरस्कार प्रदान गरिने छ भने सर्वाधिक गोलकर्ता, सर्वोत्कृष्ट खेलाडी र सर्वोत्कृष्ट प्रशिक्षकलाई १०–१० हजारका दरले पुरस्कार प्रदान गरिने खेल संयोजक गौतमले जानकारी दिनुभयो ।
